Баян-Өндөр сумын Уурхайчин, Оюут, Согоот, Дэнж, Уртын гол, Их залуу, Шанд багийн нутаг буюу УИХ-ын 47 дугаар тойрогт 9 хүн нэр дэвшиж байна.  Тэдгээрийн гурав нь эмэгтэй.  АН-аас Д.Одхүү нэр дэвшиж байгаа. Өнгөрсөн сонгуулиар өвдөг шороодсон нэгэн. "Шонхор” фракцийнх.  Өнгөрсөн сонгуульд унасан "бөх” энэ удаагийн сонгуульд ялалт байгуулна гэж итгэхэд хэцүү. Тэгээд ч Орхонд АН-ын нэр хүнд навс унасан тохиолдолд шүү дээ.

МАН-аас нэр дэвшиж байгаа Д.Атармаагийн хувьд Эрүүл мэндийн дэд сайд байсан, М.Энхболдын хүн гэдэг. Түүнийг Орхоныхон дэмжинэ гэхэд хэцүү. Эрүүл мэндийн дэд сайдаар ажиллаж байхдаа осолд орсны улмаас улс төрийн идэвхтэй амьдралаас түр хөндийрөөд байгаа юм.

МАХН-аас О.Баасанхүү өрсөлдөж байгаа. Өнгөрсөн сонгуулиар "оймсонд хавчуулагдан ордонд  орж ирсэн” хүмүүсийн нэг.  АН-ын гишүүн байснаа МАХН-д урвасан.  Тавхан хоногийн настай бүлгийн дарга. 

МСДН-аас Шагдарсүрэнгийн Төгсбаяр нэр дэвшиж байгаа. МУИС-ийн ректораар олон жил ажилласан Биологийн шинжлэх ухааны дотктор  О.Шагдарсүрэнгийн хүү. О.Шагдарсүрэн бол Монголын чадварлаг сэхээтний нэг байсан бөгөөд өөрийн мэргэжлээ үр хүүхдүүддээ өвлүүсэн гайхалтай эрлэмтэн юм. Төгсбаяр ч мөн адил эцгийнхээ замаар явж биологийн мэргэжил эзэмшсэн нэгэн. Нийгмийн хамгийн тэгш орчинг бүрдүүлж чадсан улс орнууд бүгд социал демократ чиг баримжаатай байдаг. Мэргэжилтэй сэхээтэн хүний хувьд Ш.Төгсбаярын улс төрийн сонголт МСДН байсанд гайхах зүйлгүй.

Ахиад л эргэлзээ