БАЯН-ӨНДӨР СУМЫН ХЭМЖЭЭНД МАЛ ЭМНЭЛГИЙН АРИУТГАЛ ХАЛДВАРГҮЙЖҮҮЛЭЛТИЙН АЖИЛ ХИЙГДЛЭЭ

Аймгийн засаг даргын 2016.01.27-ны өдрийн А/48 тоот захирамжаар батлагдсан мал эмнэлгийн нэгдсэн төлөвлөгөө, Мэргэжлийн хяналтын ерөнхий байцаагчийн 2016 оны 01 дугаар сарын 24-ний 1/01 тоот албан даалгаврын дагуу Сумын ЗД-ын А\152 тоот захирамжийн хэрэгжилтийг ханган ҮХААГ, Сумын МЭҮТ, хувийн хэвшлийн 3-н мал эмнэлэг үржлийн нэгжүүд оролцон малын сэг зэм устгах, ариутгал халдваргүйжүүлэлт хийх арга хэмжээг 2016 оны 05 дугаар сарын 01 өдрөөс 2016 оны 05 дугаар сарын 10 ны өдрийн хугацаанд зохион байгууллаа.

ҮХААГ-ын мал эмнэлгийн хэлтсийн мэргэжилтнүүдтэй хамтран томоохон мал нядалгааны цэгүүд , хиамны үйлдвэрүүд \"БУБУ” ХХК, "Эрдмийт” ХХК, "Мон Гема” ХХК, "Идэр баялаг” ХХК , "Эрдэнэт хивс” ХХК гэх мэт\ мөн малаас гаралтай түүхий эд хүлээн авдаг 5-н цэг, хүнсний зах гэх мэт нийт 100. Мян ,м 2, хувийн хэвшлийн 3-н мал эмнэлгүүд малчдын өвөлжиж хаваржиж байгаа 3-н чиглэлд зохион байгуулж нийт 30 гаруй бодын 90 гаруй богийн сэг зэмийг мал эмнэлэг ариун цэврийн тусгай удирдамжийн дагуу тодорхой цэгүүдэд булж устгалаа.

Үйлдвэрийн бүс болон малын сэг зэм устгасан талбай, малчидын өвөлжөө хаваржаа, малын тоног хэрэгсэл түүхий эдийн агуулах зэрэг нийт 170,3 мян, м2 талбайг 350 кг хлорын шохой, 20 л повидон иод зэрэг 800 гаруй мянган төгрөгний ариутгалын бодис ашиглаж, 200 гаруй мянган төгрөгний шатахуун зарцуулсан байна.

Ажил гүйцэтгэх явцад үхсэн малын сэг зэмийг гүн жалга , булаг шандны эхэнд хаях, мөн уг ажилд оролцох малчдын идэвх сул зэрэг зөрчил бэрхшээл тохиолдож байсан ч уг үйл ажиллагааг амжилттай зохион байгууллаа.

http://erdenet.mn/web/d/160500057