Орхон аймагт бага насны хүүхэд орон сууцны цонхоор унаж амь насаа алджээ

Цаг агаар дулаарч байгаатай холбоотойгоор орон сууцны айл өрхүүд цонх, салхивчаа байнга том онгойлгож, гэртээ хүүхдээ хараа хяналтгүй ганцааранг нь үлдээх асуудал ихээр гардаг. Үүнээс үүдэн бага насны хүүхдүүд орон сууцны цонхоор унаж бэртэх, цаашлаад амь насаа алдах эрсдэлд ордог . Он гарсаар аймгийн хэмжээнд энэ төрлийн дуудлага мэдээлэл ирсээр байгааг Орхон аймгийн цагдаагийн газраас мэдээллэж байна. Тухайлбал: Орхон аймгийн хэмжээнд сүүлийн 14 хоногийн дотор бага насны хүүхдүүдийг асран хамгаалагч нарын анхаарал болгоомжгүй байдлаас болж өндрөөс унаж бэртсэн түүнчлэн амь насаа алдсан тохиолдол бүртгэгджээ. Тодруулбал: 1-р хорооллын 2 байрны 3 давхраас 1 хүүхэд унаж бэртэн БОЭТ-д хүргэгдэн эмчлүүлж байгаа бол мөн 7-р хорооллын 4 давхраас 3-4 настай бага насны хүүхэд унаж харамсалтайгаар амь насаа алдсан байна.

Мөн түүнчлэн 2019 оны 5 сарын 5 -ны өдөр 1 нас, 3 нас гарантай 2 хүүхэд цонхны тавцан дээрээ гарч унах гэж байхад нь Аймгийн Цагдаагийн газар, Онцгой байдлын газар хамтран аварчээ. Иймд бага насны гэлтгүй хүүхдүүддээ анхаарал сэрэмжээ нэмэгдүүлэхийг дээрх газруудаас сэрэмжлүүлж байна.

Нөгөөтэйгүүр эцэг эхчүүд бага насны хүүхдээ хараа хяналттгүй гэртээ ганцааранг нь үлдээж эрсдэлд оруулдаг. Бага насны хүүхдээ гэртэй ганцааранг нь үлдээснээр гал түймрийн аюул үүсэх, өндрөөс унаж бэртэх, мөн ус буцалгагч, шарах шүүгээ зэргээс болж түлэгдэх, гэмтэх, өндөр хүчдэлд цохиулах мөн зарим тохиодолд том хэмжээний хөргөгчинд орж тоглож байгаад эрсэдсэн асуудал хүртэл гарч байсан гэдгийг албаны хүн хэлж байна. Тиймээс бага насны хүүхдээ гэртээ хараа хяналтгүй орхихгүй байх, цонх салхивчныхаа аюулгүй байдлыг сайтар хангахыг Орхон аймгийн онцгой байдлын газар болон цагдаагийн газраас анхааруулж байна.

Эх сурвалж: ETCITY.MN

https://www.etcity.mn/a/orkhon-aymagt-baga-nasny-khkhed-oron-suutsny-tsonkhoor-unazh-am-nasaa-aldzhee?fbclid=IwAR08V1AQcLrma7MsaoYqAimwCvTcIzU9dRy9QfiBPeYg72wnLt59_h5fTmg