Ардчилсан нам УИХ-ын ээлжит бус сонгууль явуулахыг шаардав

Ардчилсан намын зүгээс УИХ-д 65 суудал авч дийлэнх олонхийг бүрдүүлсэн МАН-ыг өнгөрсөн хугацаанд сонгуулийн амлалт, мөрийн хөтөлбөрөө умартан, төр удилдах чадваргүй болохоо батлан харууллаа хэмээн УИХ-ын ээлжит бус сонгууль яаралтай явуулах шаардлагатай хэмээн мэдэгдэл гаргасан байна. Төрийн эрх барих дээд байгууллага УИХ нь гишүүн дутуу, Засгийн газар нь бүрэлдэхүүн дутуу, Улаанбаатар хот нь удирдлагагүй, 20 аймгийн ИТХ нь хуваагдмал байдалд ороод байгаа нь энэ бүхний илрэл гэж хэвлэлийн хурлын үеэр мэдэгдсэн юм.

Мөн төрийн бүхий л шатанд эрх баригчдын талцал хуваагдал нүүрлэж, УИХ нь гишүүн дутуу, Засгийн газар нь бүрэлдэхүүн дутуу, нийслэл нь удирдлагагүй, 21 аймгийн ИТХ нь хуваагдмал байдалд орлоо.

Төрийн бүхий л шатанд албан тушаалыг 60 тэрбумын гэх сүлжээгээр арилжаалж, ЖДҮ-ийг дэмжих сангийн иргэдэд очих боломжийг хулгайлан зохион байгуулалттай гэмт хэрэг үйлдсэн МАН-ын бизнес улстөрийн бүлэглэлийн зөрчилдөөн нь Монголын төрийг бүрэн мухардалд оруулаад байгаа гэж Ардчилсан намынхан үзжээ.

Б.Заяа

http://www.unen.mn/a/90418?fbclid=IwAR32vdOyGEq-xUAjnKn69pdyiBEdIL3A1-bp8kJ732beNo0PV84KfVGUNFE