7-нд Ираны ерөнхийлөгч Хассан Рухани: Иран улс Ираны цөмийн асуудлаарх бүх талын хэлэлцээрээс олох ашгийг хэн ч хориглож болохгүй, хэлэлцээрийн үр дүнг хэн ч үгүйсгэж болохгүй гэжээ.

Рухани мөн өдөр Тегераны их сургуулийн хичээлийн шинэ жилийн нээлтийн ёслолд оролцон үг хэлэхдээ: Ираны цөмийн хэлэлцээрээр тохиролцоонд хүрэх явцад Ираны олох ашгийг хориглох аргагүй юм. Ямар ч хүн үүнийг өөрчилж болохгүй. АНУ-ын ерөнхийлөгч Трамп буюу бусад хэн ч өөрчилж болохгүй гэжээ.

Рухани: Ираны цөмийн асуудлаарх хэлэлцээний явцад Иран дэлхий дахинд дайныг даван туулах хүчтэй, энхийг хамгаалах хүчтэйгээ харуулсан юм гэжээ.

2015 оны 7-р сард Иран болон Ираны цөмийн асуудлаарх 6 орон (АНУ, Их Британи, Франц, ОХУ, БНХАУ, ХБНГУ)-той Ираны цөмийн асуудлаар бүх талын хэлэлцээр хийж, тохиролцоонд хүрсэн юм. Тус хэлэлцээрийн дагуу Иран цөмийн төлөвлөгөөгөө хязгаарлаж, олон улсын хамтын нийгэмлэг хориг арга хэмжээгээ цуцалж, ОУАЭХБ, Ираны тус хэлэлцээрийг хэрэгжүүлж байгаа явцад хяналт тавих юм байна. Энэ оны 8-р сарын 31-нд ОУАЭХБ тайлан нийтэлж, Ираны хэлэлцээрийг хэрэгжүүлснийг дахин нотолсон байна.

АНУ-ын ерөнхийлөгч Трамп албан тушаалаа авсны дараа Иранд хатуу байр суурь хэрэгжүүлж, Ираны цөмийн хэлэлцээрээс гарна гэж сүрдүүлсэн юм. Трамп 10-р сард АНУ-ын Конгресст илтгэл тавьж, Иран цөмийн хэлэлцээрийг хэрэгжүүлсэн эсэхийг тодорхойлж, тус хэлэлцээр Америкийн ашиг сонирхолд нийцэх эсэхийг тайлбарлах юм байна.