ОХУ царай муутай эрчүүдтэй гурван орны нэгээр тодорчээ
Оросын Metronews.ru сайтад тавигдсан мэдээг хүргэе. Тус сайт Америкийн BeautifulPeople.com хэмээх хүмүүсийг хооронд нь танилцуулдаг сайтын мэдээлэлд тулгуурлан дээрх мэдээг бэлтгэсэн байна. АНУ-ын Лос-Анжелес хотод зөвхөн царайлаг хүмүүст л үйлчлэх зоогийн газар нээгджээ. Лос-Анжелес нь дэлхийн кино, дуу хөгжим, шоу ертөнцийн төв болсон газар бөгөөд тиймдээ ч царайлаг хүмүүс олноороо оршин суудаг хот юм. Үүнийгээ дагаад энэ хотод хүмүүсийг царай зүсээр нь ихээхэн ялгадаг, хүний царай зүсэнд өндөр ач холбогдол өгдөг газар нутаг болон хувирчээ. Тэгвэл царайлгуудад үйлчлэх дээрх зоогийн газар нь зөвхөн хоолны газар биш бөгөөд дотроо лоунж танхим, амралтын өрөө, вип өрөө гэх мэт хэсгүүдтэй бүхэл бүтэн цогцолбор аж. Баруун Холливудад орших энэхүү "Beautiful People Private Members” хэмээх цогцолбор нь царайлгуудыг хооронд нь учруулах зорилготой аж. Мөн энэ цогцолборын эртнээс ажиллаж ирсэн салбар нэгж нь "Царайлаг хүмүүс” /BeautifulPeople.com/ хэмээх вэб сайт аж. Тус сайт нь царайлаг хүмүүсийг гишүүнээрээ бүртгэх, хооронд нь танилцуулах, учруулах, болзуулах, тэдний санаа бодлыг сонсох гэх мэт үйл ажиллагаа явуулдаг гэнэ.
Тэгвэл энэ сайтын Гүйцэтгэх захирал Грег Хожийн ярьснаар, дэлхийн хамгийн царай муутай эрчүүдтэй гурван орноор Их Британи, ОХУ, Польш тодорчээ. Гишүүдийнхээ дунд явуулсан судалгаа болон олон зуун мянган гишүүнтэй вэб сайтад аль орны эрчүүд хамгийн цөөн бүртгэлтэй байгаагаас энэ дүгнэлтийг гаргасан байна. Мэдээж "Царайлаг хүмүүс” вэб сайт зөвхөн царайлаг хүмүүсийг гишүүнээрээ бүртгэдэг гэх бөгөөд Их Британи, ОХУ, Польш эрчүүд тус сайтын нийт эрэгтэй гишүүдийн ердөө 9-хөн хувийг эзэлж байсан аж. Үүнээс өмнө Германы нэрт загвар зохион бүтээгч Карл Лагерфиелд "Орос эрчүүдийг дэлхийн хамгийн муухай эрэгтэй хүн”-ээр тодорхойлж шуугиан тарьж байсан юм. Тэгтэл BeautifulPeople.com сайтаас явуулсан олон орны хүмүүсийг хамарсан судалгаагаар ОХУ-ын эрчүүд дахиад л дэлхийн хамгийн муухай эрэгтэй хүмүүсээр нэрлэгдэв. Сонирхолтой нь, ОХУ-ын эрчүүд дэлхийн топ гурван муухай эрчүүдтэй орны тоонд багтаж байхад эмэгтэйчүүд нь байнга дэлхийн хамгийн царайлаг бүсгүйчүүдтэй гурван орны нэгээр ОХУ-ыг тодруулж байдаг. Тэгвэл BeautifulPeople.com вэб сайтаас дэлхийн хамгийн царай муутай эмэгтэйчүүдтэй гурван орноор Их Британи, Шинэ-Зеланд, Австралийг тодруулсан байна. Харин хамгийн царайлаг эрчүүдтэй орноор Швед, Дани, Бразил, хамгийн царайлаг эмэгтэйчүүдтэй орноор Норвеги, Швед, Исландыг тус тус тодруулжээ.
Нинж
Санал болгох
- 2016/04/27 16:30
- 2016/01/28 16:55
- 2015/10/29 14:54
- 2015/09/02 10:49
- 2015/07/06 16:57
Сэтгэгдэл
Уушгины хатгаа гэж юу вэ?
208753
Витаминлаг өндөгний ороомог
205232
Модон хонь жилийн засал
204686
Амар мэндийн чулуун жуух
204360
ҮҮЛС БҮЖИГЛЭХ ЦАГААР...
203925
