Баян-Өндөр сум хүүхдэд ээлтэй гудамжтай болов

Баян-Өндөр сумын Уртын гол багт Хүүхдэд ээлтэй гудамж байгуулагдлаа. Иргэд олон нийт энэхүү гудамжны ханан дээр зурсан зурагнуудаас өөрийн анзаардаггүй, мэдээгүй байсан олон мэдээллийг олж харах боломжтой.

Жишээ нь хүүхдийн эрх зөрчиж байгаа үйлдлийг хүүхдийн 108, 102 утсанд мэдээллэх, мөн гэр бүлийн хүчирхийллийн хохирогчийг хамгаалах 7035-6001 утас ажилладаг гэдгийг дүрсэлсэн байна.

Орхон аймгийн хэмжээнд хүүхэд хамгааллын сарын аян өрнөж байна. Энэ аяны хүрээнд Баян-Өндөр сумын нийгмийн ажилтнууд хүүхдэд ээлтэй гудамж байгуулах санаачлагыг гаргаснаар бодит ажил болжээ.

Хүүхэд хамгааллын тухай хууль, хүүхдийн эрхийг хамгаалах тухай хууль 2-р сард батлагдан ирэх 9 сараас хэрэгжиж эхэлнэ. Энэхүү хуулийн агуулга үзэл санааг мөн гудамжинд тусгаж өгсөн байна.

Түүнчлэн манай аймаг хүүхдэд ээлтэй багийг 2 жил тутамд шалгаруулдаг бөгөөд 2014 оны хүүхдэд ээлтэй багаар говил, цагаанчулуут, уурхайчин баг шалгарч байжээ.

http://erdenetinfo.mn/post/5305

Баян-Өндөр сум хүүхдэд ээлтэй гудамжтай болов

Санал болгох

Сэтгэгдэл