Хадан дотор агуй “өрөмджээ”

Цаг уурын өөрчлөлт эрчимтэй явагдаж, хүрээлэн буй орчин бохирдож байгаа учраас 64 настай Мануэль Баррантес газар доогуур аюулгүй оромж ухаж бэлтгэхээр шийджээ. Бүхэл бүтэн 12 жилийн туршид энэ эр хадан уулан дотор газар шорооны ажил хийснээр өөрийн мөрөөдлийг биелүүлж чадсан байна. Түүний газар доогуурх гэр 185 хавтгай дөрвөлжин метр талбайтай бөгөөд бүхэлдээ газар доогуур байрладаг аж.

Мануэль Баррантес бол уурхайчин мэргэжилтэй хүн юм. Бүх амьдралаа тэрбээр уурхайн ажилд зориулжээ. Газар доогуур байшинтай болох санаа түүнд 12 жилийн өмнө төрсөн гэнэ. Газар доогуурх гэр нь 19 метрийн гүнд байдаг аж. Энэ гэрээ ухахдаа сайн эр лоом, жоотуу, хүрз тэргүүтнийг ашиглажээ. Тавилгыг нь хадыг зорж гаргасан байна. Гэр дотор нь ус, цахилгаан бий. Коста-Рика улсын иргэн Мануэль Баррантесын газар доогуурх "эзэнт гүрэн” иймэрхүү байдалтай юм.

Эх сурвалж www.wikimon.mn

Хадан дотор агуй “өрөмджээ”

Санал болгох

Сэтгэгдэл