Ганц бие хүн богино насалдаг гэдэг үнэн үү?

Дэлхий бөмбөрцөгийн аль ч улс оронд хүн ам зүйчдийн гаргаж буй урьдчилсан мэдээ гэр бүл төлөвлөх бодлого ямар чиг хандлагатай байгааг тодруулах зорилготой байдаг гэнэ.

Баруун Европын өндөр хөгжилтэй орнуудад 1960-аад оноос, Зүүн Европт 1980 оноос нийгмийн хамгийн чухал нэгж болох "Хууль ёсны баталгаат гэр бүл”- ийн тоо жил ирэх тутам буурсаар байгаа нь төр засгийн удирдлагуудынх нь санаг зовоох болжээ.

Нийгэмд ганц бие хүмүүс олшрохын хирээр төрөх хүүхдийн тоо ч буурдаг. Ийм шалтгаанаар Европын хүн ам тэр чигтээ хөгширч эхлэжээ.

Хамгийн сонирхолтой нь, Европын эрдэмтэдийн хийсэн судалгаагаар 36-60 насны ганц бие хүмүүс зуурдаар нас барах явдал гэр бүлтэй хүмүүсээс бараг 3 дахин их байдгийг олж тогтоосон байна.

Тухайлбал 1-3 хүүхэдтэй 40 настай гэрийн эзэн, гоонь буюу эхнэрээсээ салаад ганц биеэрээ амьдарч буй эрчүүдийг бодвол 8-9 жилээр урт насладаг нь тогтоогдсон байна.

Харин 1-3 хүүхэдтэй гэрийн эзэгтэй, эр нөхөргүй зожиг ганцаардмал эмэгтэйгээс даруй 2-4 жилээр урт насладаг болохыг ч олж илрүүлжээ.

Үүнээс санаа аван хүн ам зүйн эрдэмтэд "Эр эм аль нь ч ялгаагүй, орь ганцаараа бүү амьдар. Аль болох хань ижилтэй болохыг хичээ. Өөрийн ая тухыг чухалд бүү үз. Харин бусадтай тэвчээртэй зохицон амьдрах чадварт суралц” хэмээн зөвлөсөн байна.

эх сурвалж: өглөө.мн

Ганц бие хүн богино насалдаг гэдэг үнэн үү?

Санал болгох

Сэтгэгдэл