Нисэх онгоцны ослоор амиа алдсан тамирчид, дасгалжуулагчдын дурсгалыг хүндэтгэв

Хойд Америкийн Үндэсний хоккейн лигийн аварга шалгаруулах тэмцээний “Оттава Сенаторз”, “Вашингтон Кэпиталз” багуудын тоглолт эхлэхийн өмнө өчигдөр Вашингтонд нисэх онгоцны ослоор амиа алдсан хүмүүсийн дурсгалыг хүндэтгэлээ.

Тоглолт Канады нийслэлд болсон бөгөөд энэ үеэр лхагва гарагт 56 настайдаа таалал төгссөн “Вашингтон” багт тоглож байсан хоккейчин, телевизийн хөтлөгч Шон Симпсоны дурсгалыг хүндэтгэх ёслол болов.

Пүрэв гарагт шилжих шөнө Вашингтон хотын Р.Рейганы нэрэмжит нисэх онгоцын буудалд агаарын тээврийн American Airlines компанийн Bombardier CRJ700 зорчигч тээврийн нисэх онгоц буухаар бэлтгэж байх үедээ Sikorsky H-60 цэргийн нисдэг тэрэгтэй мөргөлдөж сүйрсэн байна. Онгоцонд 60 зорчигч, нисэх багийн 4 гишүүн байсан бол нисдэг тэргэнд 3 цэргийн албан хаагч байжээ.

Channel2 NOW сувгийн мэдээлснээр, осолдож сүйрсэн нисэх онгоцонд уран гулгагч Спенсер Лейн, Жинна Хан, Франко Апарисио, Эверли Ливингстон, Алидия Ливингстон, Шон Кей, Анжела Янг, Эдвард Жоу нар байжээ.

Спортын агент Ари Закаряны мэдээлснээр, мөн уг онгоцонд 1994 оны уран гулгалтын дэлхийн аваргууд болох Евгения Шишкова, Вадим Наумов нар, ЗХУ-ын аваргын хүрэл медальт Инна Волянская байжээ. Тэд АНУ-д дасгалжуулагчаар ажиллаж байв.

Нисэх онгоцны ослоор амиа алдсан тамирчид, дасгалжуулагчдын дурсгалыг хүндэтгэв

Санал болгох

Сэтгэгдэл