Show user posts zulaa - ErdenetMedee.mn

Show user posts zulaa - ErdenetMedee.mn http://erdenet.nutag.mn/ ru Show user posts zulaa - ErdenetMedee.mn DataLife Engine Францад 2,500 гаруй хүнийг баривчилжээ http://erdenet.nutag.mn/index.php?newsid=14935 http://erdenet.nutag.mn/index.php?newsid=14935

Францын эрх баригчид Парис хотын төвийн зарим хэсэг болон бусад хотод шөнийн цагаар хөл хорио тогтоожээ. Парис хотын цагдаагийн газраас мэдээлснээр, жагсагчид цугларсан Бүгд найрамдах улсын талбай болон Лез-Аль худалдааны бүсэд орон нутгийн цагаар 23.00–06.00 цагийн хооронд хөл хорио тогтоосон аж. Мөн хотын төвийн хэд хэдэн хэсэгт зөвшөөрөлгүй жагсаал, цуглаан зохион байгуулахыг хоригложээ. Марсель, Бордо, Ницца, Лион, Лилль зэрэг хотод ч хэсэгчилсэн хөл хорио тогтоож, залуусын хөдөлгөөн болон олон нийтийн цуглаанд хязгаарлалт тавьсан байна.

Өнгөрсөн сард оюутнууд сургуулийн орчин нөхцөлийг сайжруулахыг шаардаж өнгөрсөн сард жагсаал эхэлсэн. Явцдаа шатахууны үнийн өсөлт, амьжиргааны өртөг нэмэгдсэн, төрийн үйлчилгээ, тэр дундаа боловсролын салбарын нөхцөл доройтсоныг эсэргүүцсэн өргөн хүрээний хөдөлгөөн болон өргөжжээ. Өнгөрсөн амралтын өдрүүдэд үйлдвэрчний эвлэлүүд болон бусад эсэргүүцлийн бүлгүүд нэгдсэнээр жагсагчдын тоо нэмэгдэж, нийт 550 мянга орчим хүн гудамжинд гарсан байна.

Эрх баригчдын мэдээлснээр, үймээн самуунтай холбоотойгоор 2,500 гаруй хүнийг баривчилсан. Мөн 1,000 орчим цагдаагийн алба хаагч гэмтжээ.

Түүчнлэн цагдаа нарын үймээн дарах зориулалттай шидсэн гранатад өртсөн нэг жагсагчийн гар тасарсан тухай Францын "AFP" агентлаг мэдээлсэн байна.

Даваа гаригт /2026.10.19/ болсон шуурхай хуралдааны дараа ерөнхий сайд Себастьян Лекорню орон нутгийн захиргааны удирдлагуудад шаардлагатай тохиолдолд хөл хорио тогтоох эрх олгосноо мэдэгджээ. Тэрбээр улс даяар онц байдал зарлах боломжийг үгүйсгээгүй. Мөн үймээн самууны улмаас хохирол амссан бүс нутгуудыг сэргээн босгоход зориулж санхүүжилт гаргахаа мэдэгдсэн байна. Гэхдээ уг зардлыг хохирол учруулсан этгээдүүдээр нөхөн төлүүлэх хууль эрх зүйн зохицуулалт боловсруулахаа онцолжээ.

Үүнээс гадна үймээн самуун, дээрэм тонуулын улмаас ажиллах боломжгүй болсон хүмүүст зориулсан ажилгүйдлийн тэтгэмжийн тусгай санхүүжилт гаргахаар болсон байна.

Дотоод хэргийн сайд Лоран Нуньесийн мэдээлснээр, мөрдөн шалгах 200 ажилтан хяналтын камерын бичлэгүүдэд дүн шинжилгээ хийж, үймээнийг зохион байгуулсан байж болзошгүй этгээдүүдийг тогтоохоор ажиллаж байгаа аж.

Үймээн самууны үед бэлтгэл хангалтгүй байсан гэж сөрөг хүчний улстөрчид шүүмжилсний дараа Нуньес Ням гаригт огцрох хүсэлт гаргасан юм. Гэсэн хэдий ч ерөнхийлөгч Эммануэль Макрон түүний хүсэлтийг хүлээж аваагүй байна. Харин Макрон хууль сахиулах байгууллагуудын бэлтгэл болон нөхцөл байдлыг урьдчилан тооцоолоход гарсан алдаа дутагдлыг ил тод тайлбарлахыг сайдад үүрэг болгожээ.

Францын Худалдаа, аж үйлдвэрийн танхимуудын тэргүүн Ален Ди Кресченцогийн мэдээлснээр, өнгөрсөн амралтын өдрүүдийн хүчирхийлэл, дээрэм тонуулын улмаас 2,000 гаруй дэлгүүр, аж ахуйн нэгж шууд хохирол амссан.

Учирсан хохирлыг хэдэн зуун сая еврогоор хэмжиж байгаа аж. Марсель хотын худалдаа эрхлэгчид бизнесээ цаашид үргэлжлүүлж чадах эсэхдээ санаа зовниж байгааг тус хотын Худалдаа, аж үйлдвэрийн танхимын тэргүүн Жан-Люк Шовен "BBC"-д ярьжээ. Мөн дээрэмдсэн бараа бүтээгдэхүүнийг цахим худалдааны зарим платформоор дамжуулан худалдахаар байршуулсан байсныг Францын засгийн газрын хоёр сайд мэдээлсэн байна. Харин "Vinted" платформын төлөөлөгч хулгайлсан эд зүйл худалдах, худалдахыг санал болгохыг хатуу хориглодог бөгөөд сэжигтэй заруудыг илрүүлж устгах хяналтаа нэмэгдүүлсэн гэж мэдэгджээ.

Үймээн самуун үргэлжилж буйтай холбогдуулан АНУ-ын Элчин сайдын яам иргэддээ жагсаал болж буй газруудаас зайлсхийж, олон хүн цугларсан бүсэд ойр байгаа тохиолдолд болгоомжтой байхыг анхааруулсан байна. Хятад, Герман улс ч иргэддээ ижил төстэй сэрэмжлүүлэг гаргажээ.

Үүний зэрэгцээ эрх баригчид зүүний үзэл баримтлалтай “Францын үл захирагдагсад” намыг хүчирхийлэлд нөлөөлсөн байж болзошгүй гэж буруутгасан байна. Ерөнхий сайд Лекорню зарим бүлэг ирэх оны ерөнхийлөгчийн сонгууль хүртэл улс оронд эмх замбараагүй байдал үүсгэхийг зорьж байна гэж мэдэгджээ. Харин тус намын удирдагч Жан-Люк Меланшон ерөнхий сайдыг буруутгалаа нотлох, эсвэл уучлал гуйж, эмх замбараагүй байдлыг өдөөхөө зогсоохыг шаардсан байна.

ЭХ СУРВАЛЖ: BBC

]]> zulaa Fri, 23 Oct 2026 11:55:46 +0800 Суурьшлын бүсэд орж ирсэн 4 баавгайг агнаж, аюулгүй болгожээ http://erdenet.nutag.mn/index.php?newsid=14934 http://erdenet.nutag.mn/index.php?newsid=14934

Байгаль орчин, уур амьсгалын өөрчлөлтийн яамны 2026 оны аравдугаар сарын 18-19-ний өдрийн мэдээллээр улсын хэмжээнд өнгөрсөн 24 цагийн хугацаанд баавгайтай холбоотой нийт 16 удаагийн дуудлага, мэдээлэл бүртгэгджээ. Үүнээс нийслэлийн Сүхбаатар дүүргийн нутаг дэвсгэрт баавгай үзэгдсэн гэх хоёр дуудлага, мэдээлэл бүртгэгдсэн бол Увс аймагт нэг, Хөвсгөл аймагт арав, Хэнтий аймагт хоёр, Завхан аймагт нэг дуудлага, мэдээлэл бүртгэгдсэн байна. Өөрөөр хэлбэл, таван аймаг болон нийслэлийн нутаг дэвсгэрт нийт 16 удаагийн дуудлага, мэдээлэл бүртгэгджээ.

Улсын хэмжээнд суурьшлын бүсэд айл өрхийн ойролцоо орж ирсэн дөрвөн баавгайг аюулгүй болгож агнасан бол хоёр баавгайг үргээн, суурьшлын бүсээс гаргаж, ой руу явуулжээ.

Мөн зургаан дуудлага, мэдээллийн дагуу орон нутгийн шуурхай баг эрэн хайх ажиллагаа явуулсан байна. Харин нийслэл болон орон нутагт бүртгэгдсэн дөрвөн дуудлага, мэдээлэл батлагдаагүй аж.

Дашрамд дурдахад, Баянзүрх дүүргийн 35 дугаар хорооны оршин суугч 40 настай эрэгтэй баавгайн халдлагад өртөн харамсалтайгаар амиа алдсан бол 55 настай эмэгтэй өнөөдрийг хүртэл ГССҮТ-д хэвтэн эмчлүүлж байна.

Байгаль орчин, уур амьсгалын өөрчлөлтийн яам болон нийслэлийн Байгаль орчны газраас иргэдийг тогтмол мэдээллээр ханган ажиллаж байгаа бөгөөд сэрэмжлүүлэг хүргэхээс гадна шуурхай мэдээлэл хүлээн авах 117 дугаарын утсыг ажиллуулж байна. Иргэд суурьшлын бүс болон бусад газарт баавгай үзэгдсэн тохиолдолд тус дугаарт мэдээлэл өгөх юм.

]]> zulaa Tue, 20 Oct 2026 09:47:46 +0800 Өндрөөс үсрэхийг завдсан өсвөр насны хүүхдийг аюулгүй буулгаж, авран хамгаалжээ http://erdenet.nutag.mn/index.php?newsid=14933 http://erdenet.nutag.mn/index.php?newsid=14933

“Байрны дээвэр дээр хүн гарчихсан байна” гэх дуудлага, мэдээлэл өнөөдөр цагдаагийн байгууллагад бүртгэгджээ.

Дуудлагын дагуу шалгалтын ажиллагаа явуулахад 16 настай, эрэгтэй хүүхэд есөн давхар орон сууцны дээвэр дээрээс үсэрч амиа хорлохыг завдсаныг Орхон аймгийн цагдаагийн газрын эргүүлийн цагдаа нар шуурхай ажиллагаа явуулан аюулгүй буулгаж, амь насыг нь аварсан байна.

Эцэг эх, асран хамгаалагч та бүхэн хүүхдийнхээ сэтгэл зүйн байдал, зан төлөвийн өөрчлөлтөд анхаарч, сайтар ярилцаж, шаардлагатай үед мэргэжлийн байгууллагын зөвлөгөө, үйлчилгээг авахыг ЦЕГ-аас зөвлөв.

"Дээвэр" хэсэгчилсэн арга хэмжээг цагдаагийн байгууллагаас хэрэгжүүлж байгаа аж. Энэ хүрээнд хүүхдийг болзошгүй эрсдэлээс урьдчилан сэргийлэх зорилгоор орон сууцны дээвэр, тагт, эрсдэл бүхий орчинд хяналт шалгалтыг зохион байгуулж байгааг мэдээлсэн.

]]> zulaa Sat, 17 Oct 2026 10:04:05 +0800 Баавгайтай тэмцэхэд нэг тэрбумыг зарцуулна http://erdenet.nutag.mn/index.php?newsid=14932 http://erdenet.nutag.mn/index.php?newsid=14932
Улаанбаатарт БЗД-ийн 35 дугаар хороонд баавгай орж ирж, айл руу дайран нэг хүнийг амь насыг хохироож, өөр нэг хүн хүнд гэмтээсэн ноцтой нөхцөл байдал үүсгэж нийгмийг цочроов.

Суурьшлын бүсэд баавгай орж ирсэн дуудлага мэдээлэл 2026 оны аравдугаар сарын 08-ны байдлаар Улсын хэмжээнд нийт 754 бүртгэгджээ. Үүнээс Архангай 7, Баян-Өлгий 2, Булган 18, Дархан-Уул 110, Завхан 30, Хөвсгөл 65, Увс 10, Дорнод 13, Хэнтий 209, Төв 20, Сэлэнгэ 86 зэрэг 11 аймаг, нийслэлд 24, бусад нь Тусгай хамгаалалттай бүс нутгуудад байна. Нийт тохиолдлын 80 гаруй хувь нь бамбарууш болон бамбаруушаа дагуулсан эм баавгайг тогтоосон.

Тэгвэл баавгайтай тэмцэхэд 1 тэрбум төгрөгийг зарцуулах юм байна.Тодруулбал, баавгайг барих, тээвэрлэх, тохиромжтой нутагт шилжүүлэн нутагшуулах ажлыг шуурхай зохион байгуулахыг холбогдох байгууллагуудад Ерөнхий сайд Н.Учрал даалгажээ. Энэ ажилд шаардлагатай унтуулгын буу, эм, урвалж бодис, багаж хэрэгслийг хил, гаалиар шуурхай нэвтрүүлэхэд зориулан нэг тэрбум төгрөгийн санхүүжилт шийдвэрлэсэн байна.

Өчигдөр шөнө Хатгал тосгоны Алаг цар гэх газарт баавгай айлын мал руу дайрсан байна. Үүнээс гадна тус тосгонд дахин нэг айлын хотонд баавгай орж, мал барьсан тохиолдол гарчээ. Иргэдийн цахим хуудсандаа нийтэлсэн бичлэгээс харахад баавгай хоттой хонь, ямаа руу дайрч, олон мал шархдуулжээ.

]]> zulaa Mon, 12 Oct 2026 14:18:22 +0800 ОХУ АНУ-д 4.8 сая тонн дизель нийлүүлнэ http://erdenet.nutag.mn/index.php?newsid=14931 http://erdenet.nutag.mn/index.php?newsid=14931

АНУ-ын ерөнхийлөгч Дональд Трамп ОХУ-ын ерөнхийлөгч Владимир Путинтэй тохиролцож, Оросоос АНУ болон дэлхийн зах зээлд дизель түлш нийлүүлэхээр болсон гэж мэдэгджээ.

Трамп цахим сүлжээндээ нийтэлсэн мэдээлэлдээ Орос улс нэн даруй 300 мянга гаруй тонн дизель түлш нийлүүлэхээр болсон гэж бичсэн байна. Үүний дараа арваннэгдүгээр сард 500 мянган тонн, цаашид нэг сая тонн түлш нийлүүлэх аж. Мөн Оросын боловсруулах үйлдвэрүүдийн хүчин чадлаас хамааран богино хугацаанд дахин гурван сая тонн түлш нийлүүлэхээр төлөвлөжээ.

Үүнтэй зэрэгцэн АНУ-ын Сангийн яам Оросын дизель түлштэй холбоотой хориг арга хэмжээг ирэх оны дөрөвдүгээр сар хүртэл хэсэгчлэн сулруулахаа мэдэгдсэн байна.

Трампын үзэж буйгаар энэхүү тохиролцоо нь АНУ болон дэлхийн зах зээлд дизель түлшний үнийг бууруулахад нөлөөлнө. Тэрбээр шатахууны үнийг бууруулах нь америкчууд, ялангуяа тариаланч, малчин, тээвэрчдийн хувьд чухал гэдгийг онцолжээ.

Энэхүү тохиролцоо нь АНУ-д арваннэгдүгээр сард болох Конгрессын завсрын сонгуулийн өмнө хийгдэж буйгаараа анхаарал татаж байна. Уг сонгууль нь Трампын засаг захиргаанд олон нийтийн зүгээс өгч буй үнэлгээний нэг үзүүлэлт болох юм.

Мөн Оросоос дизель түлш нийлүүлэх тохиролцоо нь Москва, Киевийн хооронд энхийн хэлэлцээ зогсонги байдалд орсон энэ үед Украины дайны нөхцөл байдалд хэрхэн нөлөөлөх нь анхаарал татаж байна.

]]> zulaa Mon, 12 Oct 2026 12:35:28 +0800 Зөвшөөрөлгүйгээр үржлийн мал худалдсан этгээдийг Тагнуулын байгууллага шалгана http://erdenet.nutag.mn/index.php?newsid=14930 http://erdenet.nutag.mn/index.php?newsid=14930

Хүнс, хөдөө аж ахуй, хөнгөн үйлдвэрийн сайд Ц.Идэрбат өнөөдөр /2026.10.05/ цаг үеийн асуудлаар сэтгүүлчдэд мэдээлэл өглөө. Мэдээлэлд ХХААХҮЯ-ны Төрийн нарийн бичгийн дарга Т.Жамбалцэрэн болон холбогдох газрын дарга нар, Мал эмнэлгийн ерөнхий газар, Малын удмын сангийн үндэсний төвийн удирдлагууд оролцов.

Сайд Ц.Идэрбат өнгөрсөн долоо хоногт УИХ-ын БОХХАА-н байнгын хорооноос зохион байгуулсан хүнс, хөдөө аж ахуй, хөнгөн үйлдвэрийн салбарын сонсгол, ямааны годрон өвчний нөхцөл байдал, хариу арга хэмжээ, ургац хураалтын явцтай холбоотой асуудлаар мэдээлэл өгч, сэтгүүлчдийн асуултад хариуллаа.

ХХААХҮЯ АЖИЛ ХЭРЭГЧ СОНСГОЛ БОЛООСОЙ ГЭДЭГ БАЙР СУУРИНААС ХАНДСАНБайгаль орчин, хүнс, хөдөө аж ахуйн байнгын хорооноос зохион байгуулсан ерөнхий хяналтын сонсголын үеэр аж ахуйн нэгжүүд болон хувь хүний нэр дурдагдсан. УИХ-ын гишүүд ч хэвлэлээр мэдээлэл өгсөн. Яамны зүгээс ямар нэгэн байр суурь илэрхийлээгүй. Сонсголд дурдагдсан тоо, баримтыг нягталж, тодруулах бололцоо олгоё гэж бодсон. Яаманд байгаа цаасан болон цахим бүх мэдээллийг хүргүүлсэн. Ойлгомжгүй байгаа, мэдээлэл дутуу байгаа гэдэг зүйл яригдсан. Шинжээчийг яаман дээр тусгай өрөө гаргаж холбоотой мэдээлэлтэй танилцах бүх нөхцөлөөр хангасан. 18 жилийн асуудал учир нэлээд цаг хугацаа орсон гэдгийг сайд онцоллоо.

Мөн тэрбээр ХХААХҮЯ-ны зүгээс ажил хэрэгч сонсгол болоосой гэсэн байр суурьтай байсан. Сонсголын зорилго ч, ХХААХҮЯ-ны зорилго нэг юм. Харин сайн судалгаатай байж ярьдаг, танилцуулдаг байх ёстой. Шинжээчийн дүгнэлт шүүхийн шийдвэр биш. Түүн дээр бүх юм суурилж явж болохгүй гэдэг байр суурийг илэрхийлэв.

ХХААХҮ-ийн салбар дээр бүтээмж буураад байна, импортын хамаарал өсөөд байна, ажиллах хүчний тоо цөөрөөд байна гэдэг асуудал яригдсан нь өрөөсгөл.

Газар тариалангийн салбарт бодитой өсөлт гарсан. Энэ жил төмсөө дотоодоос 100 хувь, хүнсний ногоог 70 хувь, улаанбуудай, гурилаа 100 хувь хангаж байна гэдгийг сайд мэдээлэлдээ дурдав. Түүнчлэн “Хүнсний хувьсгал”, “Цагаан алт” хөтөлбөрийн бүх зээл банкаар дамждаг. Хэн нэгэн сайдын гарын үсгээр зээл олгодоггүй. “Хүнсний хувьсгал” хөтөлбөрийн хүрээнд 53 үйлдвэр шинээр байгуулагдсан. Евразийн зах зээл рүү “Талын монгол” гоймон, “Тод оймс” зэрэг бүтээгдэхүүн үр дүнтэй гарч байна. Газар тариалангийн компаниуд комбайн болон бусад өртөг өндөртэй техник хэрэгслээ “Атар-4” аяны хүрээнд зээлээр авч, төлөлт нь хэвийн явж байгаа гэдгийг сайд Ц.Идэрбат онцоллоо.

ЯМААНЫ ГОДРОН ӨВЧИН 2 АЙМГИЙН 3 СУМАНД БҮРТГЭГДЭН ХОРИО ЦЭЭРИЙН ДЭГЛЭМ ТОГТООГООД БАЙНАЯмааны годрон өвчин 2026 оны 9 дүгээр сард Говь-Алтай аймгийн Цогт, Дэлгэр, Төв аймгийн Алтанбулаг суманд лабораторийн шинжилгээгээр батлагдсан.

Одоогийн байдлаар 28 өрхийн 637 ямаа өвчилж, халдварын голомтыг хязгаарлах зорилгоор 15 өрхийн 5,871 ямааг зориудаар устгалд хамруулаад байна. Цогт суманд шинээр тохиолдол бүртгэгдсэн тул тандалт, хяналтыг үргэлжлүүлж байна.

Өвчин батлагдсан сумдад хорио цээрийн дэглэм тогтоож, 9 хяналтын постод 72 алба хаагч ажиллуулан мал, хүн, тээврийн хэрэгслийн хөдөлгөөнд хяналт тавьж байна. Голомт, хашаа хороо, тээврийн хэрэгслийн 27,200 м² талбайд халдваргүйтгэл хийж, сэжигтэй болон эрсдэлтэй малаас сорьц авч лабораторийн шинжилгээнд хамруулж байна. Мөн үржлийн ухна нийлүүлэгдсэн 10 аймгийн 13 байршилд мөшгөн тандалт хийж, хавьтал болсон сүргийг тогтоон шинжилгээнд хамруулах ажлыг үргэлжлүүлж байна.

ЗӨВШӨӨРӨЛГҮЙГЭЭР ҮРЖЛИЙН МАЛ ХУДАЛДАН БОРЛУУЛСАН ҮЙЛ АЖИЛЛАГААГ ТАГНУУЛ, ЦАГДААГИЙН БАЙГУУЛЛАГА ШАЛГАНА

Мэргэжлийн байгууллагын тархвар зүйн тандалт, малын шилжилт хөдөлгөөний мөрөөр хийсэн судалгаагаар “Саятан сүрэг дэлгүүр” цахим хуудсаар “Арвас” нэрээр борлуулсан үржлийн ухна өвчний голомтуудтай холбоотой бөгөөд халдварын эх үүсвэр болсон байх магадлалтай гэдэг урьдчилсан дүгнэлтэд хүрээд байна. Түүнчлэн уг ухныг үржлийн мал өсгөх, худалдан борлуулах зохих зөвшөөрөлгүйгээр, Монгол Улсын ямаан сүрэгт сайжруулагчаар ашиглах малын жагсаалтад багтаагүй байхад сайжруулагч болгон худалдан борлуулсан хууль бус үйлдэл урьдчилсан шалгалтаар тогтоогдсон.

Ухныг улсын хилээр ямар зам, нөхцөлөөр нэвтрүүлсэн, гарал үүсэл болон импортын баримт бичигтэй байсан эсэхийг тогтоолгохоор Тагнуулын ерөнхий газар, Цагдаагийн ерөнхий газарт хандаж, хилээр нэвтрүүлсэн болон олон байршилд борлуулж, шилжүүлсэн замыг холбогдох баримтаар шалгуулж байна.

Шалгалтын эцсийн дүнгээр хууль бус үйлдэлд оролцсон этгээд, халдвар тараахад хүргэсэн шалтгаан, хариуцлагыг тогтооно.

Мөн Говь-Алтай аймгийн Цогт сум руу гаднаас 12 ухна нийлүүлэгдсэний дараа мал эмнэлгийн тасгаас тэдгээрийг хорио цээрт оруулах мэргэжлийн зөвлөмжийг мөрдөх шаардлага тавьсан байхад сумын удирдлага уг зөвлөмжийг дур мэдэн хэрэгжүүлээгүй, улмаар ухныг тараах халдварын хүрээ тэлэх нөхцөл үүссэн тухай мэдээлэл байна. Энэ бол малын халдварт өвчний үед гаргаж болохгүй хариуцлагагүй үйлдэл юм.

БУРУУТАЙ ЭТГЭЭДЭЭР МАЛ УСТГАЛЫН НӨХӨН ТӨЛБӨРИЙГ ГАРГУУЛЖ, ИРГЭДИЙН ХОХИРЛЫГ БАРАГДУУЛАХ ХУУЛЬ ЗҮЙН ҮНДЭСЛЭЛТЭЙХяналт шалгалтаар мэргэжлийн байгууллагын заавар, хууль ёсны шаардлагыг үл биелүүлсэн нь тогтоогдвол холбогдох удирдлага, албан тушаалтанд хуульд заасан хариуцлага тооцох ёстой. Хорио цээрийн шийдвэрийг хэрэгжүүлэхэд саад учруулах, мэргэжлийн байгууллагын зөвлөмжийг үл ойшоох нь хуулийн хариуцлага хүлээлгэх үйлдэл юм.

Зориудаар устгасан малын нөхөн төлбөр, өвчинтэй тэмцэхэд гарсан зардлыг хуульд нийцүүлэн өвчин гарах нөхцөл бүрдүүлсэн этгээд эрх бүхий байгууллагын шалгалтаар тогтоогдвол устгалын нөхөн төлбөр, учруулсан хохирлыг буруутай этгээдээр хуульд заасан журмын дагуу төлүүлэх. Ингэснээр өвчний улмаас малаа устгуулсан малчин, иргэдийн хохирлыг барагдуулж, буруутай этгээдийн хариуцлагыг тодорхой болгоно.

Мал, амьтны эрүүл мэндийн тухай хууль болон Зөрчлийн тухай хуулийн холбогдох заалтын дагуу зөрчлийг шалгуулж, хохирол, нөхөн төлбөрийг гаргуулах арга хэмжээ авна.

Малчид, мал бүхий иргэд өвчний сэжигтэй шинж тэмдэг илэрвэл харьяа мал эмнэлгийн байгууллагад нэн даруй мэдэгдэж, малаа бусад сүрэгт нийлүүлэхгүй, шилжилт хөдөлгөөн хийхгүй байхыг Мал эмнэлгийн ерөнхий газраас анхааруулж байна. Үржлийн мал худалдан авах, тээвэрлэхдээ гарал үүсэл, мал эмнэлгийн гэрчилгээг заавал шаардаж, шинэ малаа сүрэгт нийлүүлэхээс өмнө малын эмчид үзүүлж, мэргэжлийн зөвлөмжийг бүрэн хэрэгжүүлэх үүрэгтэй.

36.6 МЯНГАН ГА-Г АНГИЛАН ХАДАЖ, 186.9 ГА-ГААС 273.9 МЯНГАН ТОНН ҮР ТАРИА ХУРААН АВААД БАЙНА

Хүнс, хөдөө аж ахуй, хөнгөн үйлдвэрийн сайд Ц.Идэрбат мөн ургац хураалтын явцын талаар мэдээлэл өгөв.

Улсын хэмжээгээр аравдугаар сарын 05-ны өдрийн байдлаар 36.6 мянган га-г ангилан хадаж, 186.9 мянган га-гаас 273.9 мянган тонн үр тариа,10.7 мянган га-гаас 134.3 мянган тонн төмс, 7.9 мянган га-гаас 111.6 мянган тонн хүнсний ногоо, малын тэжээл 34.8 мянган га-аас 124.1 мянган тонн, тосны ургамал 19.1 мянган га-аас 11.3 мянган тонн тус тус ургац хураан авсан байна.

Улсын хэмжээнд 2026 онд 369.7 мянган га-д үр тариа, үүнээс 317.9 мянган га-д улаанбуудай, 12.8 мянган га-д төмс, 13.4 мянган га-д хүнсний ногоо, 94.1 мянган га-д малын тэжээл, 90.4 мянган га-д тосны ургамал нийтдээ 580.4 мянган га талбайд тариалалт хийгдсэн.

Ургацын урьдчилсан балансаар 555.3 мянган тонн үр тариа, үүнээс 497.1 мянган тонн улаанбуудай мөн 168.2 мянган тонн төмс, 218.4 мянган тонн хүнсний ногоо, 50.4 мянган тонн тосны ургамал, 201.8 мянган тонн малын тэжээлийн ургамал тус тус хураан авах төлөв гарсан.

Өнөөдрийн байдлаар ургац хураалтад нийтдээ 951 комбайн, 609 ширхэг жатка, 230 үтрэмд 1058 ширхэг үр тариа цэвэрлэх тоног төхөөрөмж, 453 ширхэг төмс, хүнсний ногоо хураах тоног төхөөрөмж ажиллаж байна. Ургац хураалтад ажиллах техникийн иж бүрдлээр тооцоход хураалтын ажлыг 26-30 хоногт багтаан дуусгах техникийн боломжтой. Улсын ургацын комиссын мэдээлснээр,

-Засгийн газрын 2026 оны 286 дугаар тогтоолын дагуу ургацад ажиллах хүн хүчний захиалга судалгааг авч хэрэгжилтийг зохион байгуулснаар өнөөдрийн байдлаар их, дээд сургуулиас 421 оюутан, Дотоод хэргийн их сургуулиас 645 сонсогч, Хил хамгаалах байгууллагаас 135 цэрэг, Зэвсэгт хүчний жанжин штабын 18 анги нэгтгэлээс 1554 цэрэг, үндэсний батлан хамгаалах их сургуулиас 676 сонсогч, байнгийн 21500, түр ажилчид 393, нийтдээ 25324 хүн ургац хураалтад оролцож байна.

-Дотоодын үйлдвэрлэл, хангамжийг тогтворжуулах зорилгоор 100 мянган тонн улаанбуудай нөөцлөхөөс 2026 оны 10 дугаар сарын 05-ны байдлаар 52.6 мянган тонн нөөц бүрдүүлсэн байна.

]]> zulaa Mon, 05 Oct 2026 17:23:25 +0800 Ерөнхийлөгч У.Хүрэлсүх Орхон аймгийн иргэдтэй уулзлаа http://erdenet.nutag.mn/index.php?newsid=14929 http://erdenet.nutag.mn/index.php?newsid=14929

Монгол Улсын Ерөнхийлөгч Ухнаагийн Хүрэлсүх Орхон аймагт ажиллаж байна.

Ерөнхийлөгчийг аймгийн төв талбайд хүрэлцэн ирэхэд Эрдэнэт цэргийн хүрээний хүндэт харуул угтаж авлаа.

Ерөнхийлөгч улс орныхоо нийгэм, эдийн засгийн хөгжилд жинтэй хувь нэмэр оруулж, боловсрол, эрүүл мэнд, спорт, соёл, урлаг, аж үйлдвэрийн томоохон төв болон хөгжиж буй Орхон аймгийн иргэдтэй уулзаж байгаадаа баяртай байгаагаа илэрхийлэв.

Тэрбээр, бодлого, үйл ажиллагаа, гадаад харилцаа, улсын нийгэм, эдийн засгийн өнөөгийн байдал, “Тэрбум мод”, “Хүнсний хувьсгал”, “Цагаан алт”, “Ерөнхийлөгчийн илгээлт-2100”, “Эрүүл монгол хүн” хөдөлгөөн, хөтөлбөрийн үр дүнгийн талаар товч танилцууллаа.

Эдийн засаг 6.8 хувиар өсөн, нэг хүнд ногдох Дотоодын нийт бүтээгдэхүүн 7,000 ам.доллар давж, худалдаа, хөрөнгө оруулалт нэмэгдэн, гадаад валютын нөөц 7 тэрбум ам.доллар болж, 745 мянган тн үр тариа, ургац хураан авсанд Орхон аймгийн төр, захиргаа, хувийн хэвшил, иргэдийн хувь нэмэр өндөр байсныг тэмдэглэв.

Гадаад харилцаа өргөжин, 21 улсын төрийн тэргүүн айлчилж, улсын нэр хүнд олон улсын тавцанд өсөн бэхэжсэн жилүүд болж байгааг онцоллоо.

“Цагаан алт” хөтөлбөрийн дүнд самнасан ноолуурын экспорт 5 дахин өсөж 330 сая ам.долларт хүрсэн. “Хүнсний хувьсгал” хөдөлгөөний хүрээнд 53 хүнсний үйлдвэр шинээр ашиглалтад орж, 1,000 гаруй нэр төрлийн хүнсний бүтээгдэхүүнийг шинээр үйлдвэрлэж, зах зээлд нийлүүлж байна. “Тэрбум мод” үндэсний хөдөлгөөн амжилттай хэрэгжиж, 116 сая мод тарьж, ургуулаад байгааг дурдлаа.

Эрчим хүч, нефтийн бүтээгдэхүүн, хүнс, цемент, ган, бордооны хэрэгцээг дотоодоосоо хангаж, улмаар экспортлогч орон болох нь чухал байгааг тэмдэглэв.

“Ерөнхийлөгчийн илгээлт-2100” хөтөлбөрийн хүрээнд 21 улсад 1,355 оюутан суралцаж байгаагийн 10 орчим нь Орхон аймгийнх юм.

Эдгээр хүүхэд Америк, Хятад, Герман, Австрали, Польш, Чех зэрэг улсад мэдээллийн технологи, компьютерийн шинжлэх ухаан, механик инженер, биотехнологи чиглэлээр суралцдаг.

Тэтгэлэгт хөтөлбөрийн эзэд дэлхийн боловсрол эзэмшиж, орон нутаг, эх орныхоо хөгжил дэвшил, ирээдүйн сайн сайхны төлөө хүчин зүтгэх үндэсний сэхээтэн, манлайлагч болно гэдэгт эргэлзэхгүй байгаагаа Ерөнхийлөгч илэрхийллээ.

Цаашид бүх шатанд сахилга, хариуцлагыг чангатган, ёс зүйтэй байж, төр, засаг, түмэн олноороо ололт, амжилтаа бататган, эвийг эрхэмлэж, зөвийг тэтгэн, эх орноо хөгжүүлэхийн төлөө үндэстнээрээ хичээн зүтгэхийг уриалав.

Орхон аймаг 2002 оноос хойш улсын төсөвт орлого төвлөрүүлж, өрсөлдөх чадвар, засаглалын үр ашгаараа 21 аймгаа тэргүүлдэг. Улсын Дотоодын нийт бүтээгдэхүүний 6.5, хангайн бүсийн 48.6 хувийг бүрдүүлж, 2002 оноос хойш 14 дэх удаагаа нийгэм, эдийн засгийн үзүүлэлтээр улсдаа манлайлжээ.

Эрдэнэт хот байгуулагдсаны түүхт 50 жилийн ойн хүрээнд улс, орон нутаг болон “Эрдэнэт үйлдвэр” ТӨҮГ-ын санхүүжилтээр 345 тэрбум төгрөгийн өртөг бүхий 234 төсөл, арга хэмжээ хэрэгжүүлж байна.

Тухайлбал 13.6 км авто зам, газар доорх инженерийн шугам сүлжээг үе шаттай шинэчилж, хотоо бүхэлд нь гэрэлтүүлэн, орон нутгийн төсвийн хөрөнгөөр Даваат, Булагт, Оюутын дэд станцыг ашиглалтад оруулсан тухай аймгийн Засаг дарга Б.Зоригтбаяр танилцууллаа.

Ерөнхийлөгчийн санаачилсан “Тэрбум мод” үндэсний хөдөлгөөний хүрээнд “Ногоон Эрдэнэт” хөтөлбөр хэрэгжүүлж, 6 орчим сая мод тарьж ургуулаад байна.

]]> zulaa Mon, 05 Oct 2026 08:15:31 +0800 Бусдын амь насыг хохироож, хэргийн газраас зугтсан этгээдийг эрэн сурвалжилж, олж тогтоожээ http://erdenet.nutag.mn/index.php?newsid=14928 http://erdenet.nutag.mn/index.php?newsid=14928

Өчигдөр /2026.09.30/ цагдаагийн байгууллагад “Нийтийн байранд хүн нас барсан байна” гэх дуудлага, мэдээлэл 14 цаг 21 минутад ирсэн. Тус дуудлага, мэдээллийн дагуу шалгалтын ажиллагаа явуулахад 29-52 насны этгээдүүд хамт архидан согтуурч байгаад 29 настай, эрэгтэй “Ж”, 52 настай, эрэгтэй “С”-г зодож амь насыг нь хохироож, хэргийн газраас зугтсан байв. Чингэлтэй дүүргийн цагдаагийн газрын Нэгдүгээр хэлтсийн жижүүрийн бүрэлдэхүүн шуурхай эрэн сурвалжлах ажиллагаа явуулан сэжигтэй этгээдийг олж тогтоон саатуулж, шалгалтын ажиллагааг явуулж байна.

Цагдаагийн байгууллагад энэ оны эхний 8 сарын байдлаар Эрүүгийн хуулийн 10.1 “Хүнийг алах” гэмт хэрэг 139 бүртгэгдсэн.

Согтууруулах ундаа нь өөрийгөө хянах чадварыг удирддаг хэсгийн үйл ажиллагааг дарангуйлдаг. Согтууруулах ундааг хэтрүүлэн хэрэглэснээс болж бусадтай маргалдах, бусдын биед халдах, танхайрах цаашлаад амь насанд эрсдэл учруулах нь ч бий. Архи, согтууруулах ундааны зүйлийг тохируулан хэрэглэж, бие биедээ хүндэтгэлтэй хандан болзошгүй эрсдэлээс урьдчилан сэргийлнэ үү.

]]> zulaa Thu, 01 Oct 2026 16:21:41 +0800 Олон удаагийн үйлдлээр мал хулгайлсан бүлэг этгээдийг илрүүлжээ http://erdenet.nutag.mn/index.php?newsid=14927 http://erdenet.nutag.mn/index.php?newsid=14927

Сүхбаатар аймгийн Цагдаагийн газрын алба хаагчид Баруун-Урт, Сүхбаатар, Асгат сумын нутаг дэвсгэрт удаа дараа мал хулгайлж байсан гэмт бүлгийг илрүүлэн, холбогдогчдыг саатуулжээ.

Урьдчилсан мөрдөн шалгах ажиллагаагаар тус этгээдүүд нь нийт 41 бод мал хулгайлж, иргэдэд 87 сая төгрөгийн хохирол учруулсан болохыг тогтоосон байна.

Одоогоор уг хэргийг шалгах ажиллагааг үргэлжлүүлж байгаа бөгөөд хэргийн нөхцөл байдлыг нарийвчлан тогтоож байгаа аж.

]]> zulaa Tue, 22 Sep 2026 09:45:34 +0800 Суурьшлийн бүс рүү баавгай орж ирсэн 80 орчим тохиолдол бүртгэгдээд байна http://erdenet.nutag.mn/index.php?newsid=14926 http://erdenet.nutag.mn/index.php?newsid=14926

Байгаль орчин, уур амьсгалын өөрчлөлтийн сайдын 2026 оны есдүгээр сарын 15-ны өдрийн А/09 дүгээр албан даалгавраар хүрэн баавгай хүн, малд эрсдэл учруулж болзошгүй нөхцөл үүссэнтэй холбогдуулан аймаг, нийслэл, сумын Засаг дарга болон холбогдох байгууллагуудад шуурхай арга хэмжээ авч ажиллах үүрэг чиглэл өглөө.

Үүнд хүрэн баавгайн дуудлага, мэдээллийг 24 цагаар хүлээн авч бүртгэх, эрсдэлтэй бүсэд шуурхай баг ажиллуулах, иргэдийн аюулгүй байдлыг хангах, хүнс болон хог хаягдлыг ил задгай байршуулахгүй байх, иргэдэд сэрэмжлүүлэг мэдээлэл хүргэх зэрэг арга хэмжээг хэрэгжүүлэхээр тусгасан байна.

Мөн баавгайн тархалт, хөдөлгөөнийг автомат камер, дрон ашиглан хянах, шаардлагатай тохиолдолд биотехникийн арга хэмжээ авах, зэрлэг амьтны эрүүл мэндийн хяналт, судалгааг эрчимжүүлэхээр заажээ. Албан даалгаврын хэрэгжилтэд Байгаль орчин, уур амьсгалын өөрчлөлтийн яам хяналт тавьж ажиллах бөгөөд хэрэгжилтийн тайланг 2026 оны 10 дугаар сарын 31-ний өдөр хүртэлх хугацаанд нэгтгэн гаргахаар тусгасан байна.

Аймгуудаас авсан мэдээллээр 2026 онд Булган, Хэнтий, Сэлэнгэ, Хөвсгөл, Дорнод, Увс, Архангай, Дархан-Уул, Завхан, Төв аймгуудад 80 орчим тохиолдол бүртгэгдээд байгаа ба тухай бүр арга хэмжээг авч ажилласан.

Мөн нийтлэг тохиолдол нь самар, жимс зэрэг байгалийн тэжээлийн ургац муу байгаатай холбоотойгоор бамбарууш, бамбарууштай эм баавгай идэш тэжээл хайж суурьшлын бүс рүү ойртож байгааг дурсан байна.

Одоогийн нөхцөлд баавгайг ичээнд орох хүртэл хугацаанд эрсдэлээс урьдчилан сэргийлэх шуурхай арга хэмжээг төлөвлөж, цаашид судалгаа хийх, урт хугацааны стратеги, төлөвлөгөө гаргаж, хэрэгжүүлэхийг холбогдох газарт үүрэг болгов гэж Байгаль Орчин, Уур Амьсгалын Өөрчлөлтийн Яамнаас мэдээлэв.

]]> zulaa Fri, 18 Sep 2026 10:39:48 +0800