Спорт - ErdenetMedee.mn http://erdenet.nutag.mn/ ru Спорт - ErdenetMedee.mn DataLife Engine Н.Сэлэнгэ мөсөнд авиралтын Дэлхийн цомын аварга боллоо http://erdenet.nutag.mn/index.php?newsid=14886 http://erdenet.nutag.mn/index.php?newsid=14886
Швейцарь улсын  Саас-Фэ хотод мөсөнд авиралтын Дэлхийн цомын тэмцээн 2026 оны 1-р сарын 22-24-нд 
зохион байгуулагдлаа. 
Энэхүү тэмцээний хурдны төрөлд хүч үзсэн  "Сутайн бор" клуб, “Олимп" Спорт авиралтын төвийн тамирчин,  ОУХМ Н.Сэлэнгэ алтан медаль хүртлээ.
]]> zulaa Mon, 26 Jan 2026 11:37:52 +0800 Парисын Их Дуулгад Монголын 15 жүдоч өрсөлдөнө http://erdenet.nutag.mn/index.php?newsid=14884 http://erdenet.nutag.mn/index.php?newsid=14884
Олон Улсын Жүдогийн Холбоо (IJF)-ноос зохион байгуулдаг цуврал тэмцээн Парисын Их Дуулгаар эхэлнэ. Ирэх хоёрдугаар сарын 7-ноос 8-ныг дуустал үргэлжлэх тус тэмцээнд Монгол Улсаас 15 тамирчин өрсөлдөхөөр мэдүүлгээ өгчээ. Одоогоор 61 улс өрсөлдөхөөр мэдүүлэг өгсөн байна.
Зохион байгуулагч Францаас эрэгтэй 17, эмэгтэй 23 тамирчин хүч үзэх бол БНХАУ-аас 28, БНСУ 26, Бразил 23 хүний нэр өгчээ. Япон зэрэг зарим орноос оролцох тамирчдын тоо тодорхойгүй байгаа аж. Харин манай улсаас эрэгтэй долоо, эмэгтэй найман тамирчин хүч үзнэ. Тодруулбал,
Эрэгтэй
  • 60 кг: Э.Ариунболд, Т.Түмэнжаргал,
  • 66 кг: Ё.Басхүү, Ө.Жанцандорж,
  • 73 кг: О.Уранбаяр, Л.Анхзаяа,
  • 81 кг: О.Шинэбаяр
Эмэгтэй
  • 48 кг: Г.Наранцэцэг, Ж.Анударь,
  • 52 кг: М.Нандин-Эрдэнэ, Б.Уранзаяа,
  • 57 кг: Т.Ариунзаяа,
  • 63 кг: Л.Энхрийлэн,
  • -78 кг: А.Дуламсүрэн, О.Хүслэн
]]> zulaa Tue, 13 Jan 2026 10:38:00 +0800 Э.Ариунболд, Л.Энхрийлэн нар мөнгөн медаль хүртлээ http://erdenet.nutag.mn/index.php?newsid=14834 http://erdenet.nutag.mn/index.php?newsid=14834
АНЭУ-ын Абу Даби хотноо Абу Дабигийн их дуулга тэмцээн үргэлжилж байна. 52 орны 373 жүдоч өрсөлдөж байгаа тус тэмцээнд Монгол Улсаа төлөөлж 15 тамирчин хүч үзэж байна.
Тэмцээний эхний өдөр эрэгтэйчүүдийн 60 килограммд ДАШТ-ий мөнгөн медальт, ОУХМ Э.Ариунболд мөнгөн медаль хүртсэн бол эмэгтэйчүүдийн 63 килограммд хүч үзсэн ДАШТ-ий хошой хүрэл медальт, МУГТ, Л.Энхрийлэн мөн финалд шалгарч Японы Мегү Доннад цэвэр ялагдаж энэ удаагийн тэмцээнээс мөнгөн медаль хүртлээ.
Баг тамирчдыг шигшээ багийн дасгалжуулагч Ч.Болдбаатар, П.Нямлхагва нар удирдан оролцож байна.
Эх сурвалж: Монголын үндэсний олимпын хороо
]]> zulaa Sun, 30 Nov 2025 13:04:03 +0800 "Астана дэлхийн цом-2025" тэмцээнээс мөнгөн медаль хүртлээ http://erdenet.nutag.mn/index.php?newsid=14774 http://erdenet.nutag.mn/index.php?newsid=14774
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 “Монголын бүх ард түмний зуны спортын XVI наадам”-д Орхон аймаг тэргүүллээ http://erdenet.nutag.mn/index.php?newsid=14763 http://erdenet.nutag.mn/index.php?newsid=14763
“Монголын бүх ард түмний зуны спортын XVI наадам” энэ  сарын 15-21-нд Баянхонгор аймаг, Улаанбаатар хотод нэгэн зэрэг болж өндөрлөлөө. Тус наадмын шигшээ тэмцээнд 21 аймаг, есөн дүүргийн 291 дасгалжуулагч, 3,258 тамирчинд спортын 28 төрлийн 210 зай, жин, ангилалд 879 багц медалийн төлөө өрсөлдөж шилдгүүдээ тодруулсан байна.
Багийн нийлбэр дүнгээр 23 алт, 14 мөнгө, 35 хүрэл медаль хүртсэн амжилтаар Орхон аймаг тэргүүлж, 17 алт, 12 мөнгө, 21 хүрэл медалийн амжилтаар Дархан-Уул аймгийн баг удаалсан бол гутгаар байрт 9 алт, 10 мөнгө, 14 хүрэл медаль хүртэж зохион байгуулагч Баянхонгор аймаг эзэлжээ. Энэхүү наадам нь 64 жилийн өмнөөс эхэлсэн түүхтэй. 
]]> zulaa Tue, 23 Sep 2025 13:03:49 +0800 Хакүхо аварга Олон улсын сүмо бөхийн холбооны зөвлөх болжээ http://erdenet.nutag.mn/index.php?newsid=14759 http://erdenet.nutag.mn/index.php?newsid=14759
Хакүхо аварга Олон улсын сүмо бөхийн холбооны зөвлөхөөр томилогдлоо.   Олон улсын сүмо бөхийн холбооны ерөнхийлөгчөөр нь “Тоёота” корпорацийн эзэн Тоёода сонгогдсон байна. Сонирхогчийн сүмо бөх сонирхолтой болох шинжтэй.]]> zulaa Sat, 13 Sep 2025 21:44:48 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://erdenet.nutag.mn/index.php?newsid=14752 http://erdenet.nutag.mn/index.php?newsid=14752
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://erdenet.nutag.mn/index.php?newsid=14750 http://erdenet.nutag.mn/index.php?newsid=14750
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Буланд 3-ын шугамгүй болох талаар Леброн, Дюрант, Нэш нар байр сууриа илэрхийлэв http://erdenet.nutag.mn/index.php?newsid=14727 http://erdenet.nutag.mn/index.php?newsid=14727
NBA-д булангаас гурвын шидэлт хийх боломжгүйгээр  шугамыг булан хүргэхгүй таслах тухай санаа гарсан юм. Тэгвэл энэ талаар Леброн Жэймсийн подкастад оролцсон Кевин Дюрант, Стив Нэш нар байр сууриа илэрхийллээ.
 
 
Кевин Дюрант: Бурхан минь гэж. Тоглоомыг ингэж үл хүндэлж болохгүй ээ.
Леброн Жэймс: Тэгвэл хажуугийн шугам чинь зүгээр л гадагш гардаг зураас болчихно. Буланд бөмбөг авлаа гэхэд чамд хоёр онооны алсын шидэлт л боломж үлдэнэ.
Стив Нэш: Маш чухал оноог хамгаалахад их ажиллах ёстой болно. Гурван тоглогч гурвын зураасын ард, хоёр нь самбар дор байж таарах нь.
 
 
Леброн Жэймс: Зүгээр л тэднийг холоос хоёр онооны шидэлт чөлөөтэй хийлгэ. Буланд очоод шидэх гэж буй хүнд саад хийх гээд үзээрэй.
Кевин Дюрант: Энэ чинь сагсанбөмбөгийг устгана... хэмээх яриа өрнөжээ.
]]> zulaa Mon, 07 Jul 2025 18:59:46 +0800 Жүдочид “Их дуулга“-аас таван медаль хүртлээ http://erdenet.nutag.mn/index.php?newsid=14679 http://erdenet.nutag.mn/index.php?newsid=14679
Тажикистан улсын Душанбе хотод жүдо бөхийн их дуулга тэмцээн тавдугаар сарын 2-4-нд болоход 24 орны нийт 233 (эрэгтэй 129, эмэгтэй 104) тамирчин өрсөлдлөө.
 
Харин манай улсаас Үндэсний шигшээ багийн дасгалжуулагч М.Бундмаа, Ч.Болдбаатар нарын удирдлага дор 17 жүдоч барилдахад хоёр алт, нэг мөнгө, хоёр хүрэл медальтай багийн нийлбэр дүнгээр дөрөвдүгээр байрт жагсав.
 
Энэ оны тав дахь их дуулгын эмэгтэйчүүдийн 48 кг-ын жинд Ж.Анударь, 63 кг-д Б.Ганхайч нар алт, эрэгтэйчүүдийн 73 кг-д Б.Эрдэнэбаяр мөнгө, 60 кг-д гавьяат тамирчин Э.Ариунболд, эмэгтэйчүүдийн +78 кг-д Д.Номинзул нар хүрэл медаль хүртсэн байна.
Өнгөрсөн жилийн тус тэмцээнээс гавьяат тамирчин Б.Баасанхүү алт, Л.Энхрийлэн хүрэл медаль хүртэж, багийн нийлбэр дүнгээр 65 орноос долоодугаар байрт жагсаж байжээ.
]]> zulaa Wed, 07 May 2025 10:21:59 +0800