Урлаг - ErdenetMedee.mn http://erdenet.nutag.mn/ ru Урлаг - ErdenetMedee.mn DataLife Engine Элтон Жон Монголд ирнэ http://erdenet.nutag.mn/index.php?newsid=14924 http://erdenet.nutag.mn/index.php?newsid=14924
Дэлхийн хөгжмийн ертөнцийн супер од болох уран бүтээлч Элтон Жон Монголд ирнэ. Учир нь тэрээр ирэх наймдугаар сарын 8-нд болох "The Hu" хамтлагийн 10 жилийн ойн "Чонон сүлд" тоглолтыг үзэхээр манай улсыг зорино гэдгээ хэлжээ. 
Элтон Жон “The Hu” хамтлагийн фэн бөгөөд 2020 оноос хойш тус хамтлагийн уран бүтээлүүдийг сонсож, тоглолтуудыг үзэж буй аж.
Өдгөө 79 настай Элтон Жоны уран бүтээлийн санд 30 бүтэн цомог, 500 гаруй дуу багтдаг бөгөөд зохиосон, дуулсан дуунууд нь 40 гаруй жил Европ, Америкийн чатын дээгүүр бичигдсээр ирсэн юм. 
Мөн “Грэмми”-гийн таван удаагийн шагналт, “Оскар”-ын хоёр удаагийн шагналт, хоёр удаагийн “Алтан бөмбөрцөг” болон “Тони”-гийн шагналт, орчин үеийн хөгжмийн урлагийн нэр хүндтэй бүхий шагналыг хүртсэн уран бүтээлч билээ.
]]> zulaa Mon, 29 Jun 2026 14:38:43 +0800 Уран бүтээлч, ажилтнуудыг төрийн дээд цол, одон, медалиар шагналаа http://erdenet.nutag.mn/index.php?newsid=14799 http://erdenet.nutag.mn/index.php?newsid=14799
Дэлгэцийн урлагийн салбарт хүчин зүтгэж, кино бүтээлүүдэд дүрээ мөнхлөн, орчуулгын кинонд дуу оруулж өөрийн дүр, дуу хоолойгоор ард түмэндээ уран бүтээлээ толилуулж, соён гэгээрүүлэх үйлсэд үнэтэй хувь нэмэр оруулсан эрхмүүд энэ өдөр хөдөлмөрөө үнэлүүллээ.
Соёлын гавьяат  зүтгэлтэн цолоор:
  • “Монгол кино үйлдвэр”-ийн зургийн дарга асан, Монголын үндэсний кино урлагийн академийн тэргүүлэгч гишүүн Галсанбалдангийн Аахүү,
  • “Монгол кино үйлдвэр”-ийн химийн инженер Жалцангийн Бадам,
  • “Монгол кино үйлдвэр”-ийн ерөнхий инженер, дэд профессор Пүрэвийн Төмөртогтох,
  • “Монгол кино үйлдвэр”-ийн эвлүүлгийн найруулагч Дамбасүрэнгийн Батгэрэл,
            Урлагийн гавьяат зүтгэлтэн цолоор:
  • “Монгол кино үйлдвэр”-ийн оператор Дэчинравдангийн Балчинпүрэв,
  • “Монгол кино үйлдвэр”-ийн дууны найруулагч Бэгзжавын Баянбат,
  • “Монгол кино үйлдвэр”-ийн найруулагч Дуламсүрэнгийн Цэнддорж,
  • “Монгол кино үйлдвэр”-ийн ерөнхий зураач Батын Болд,
  • “Монгол кино үйлдвэр”-ийн ерөнхий зураглаач, “Зохиомж” дээд сургуулийн багш Бямбаагийн Лхагвадорж,
  • “Монгол кино үйлдвэр”-ийн зураач Наваандамбын Батжаргал,
            Гавьяат жүжигчин цолоор:
  • “Голден пикчерс” продакшны продюсер, жүжигчин, дуу оруулагч Өлзийн Наранбаатар,
  • “Монгол кино үйлдвэр”-ийн жүжигчин, дуу оруулагч Очирбатын Оюун,
  • Чөлөөт уран бүтээлч, жүжигчин Сүхээгийн Ариунбямба,
            Хөдөлмөрийн гавьяаны улаан тугийн одонгоор:
  • “Монгол кино үйлдвэр”-ийн албаны дарга Түмэндэмбэрэлийн Сарантуяа,
  • “Монгол кино үйлдвэр”-ийн оёдолчин Юнрэнгийн Цэцэгбадам,
Алтан гадас одонгоор:
  • “Монгол кино нэгтгэл” ТӨҮГ-ын архив, бичиг хэргийн эрхлэгч Жигмэдийн Туул,
  • “Мэгүүн медиа” ХХК-ийн гүйцэтгэх захирал, продюсер Сүхбаатарын Ангараг,
  • “Вайт арч” студийн жүжигчин, дуу оруулагч Дашнанзадын Сарантуяа,
  • “Монгол кино нэгтгэл” ТӨҮГ-ын аж ахуйн эрхлэгч Шаалуугийн Байгалмаа,
  • “Монгол кино нэгтгэл” ТӨҮГ-ын зураглаач Даваажавын Батболд,
            Хөдөлмөрийн хүндэт медалиар:  
  • Чөлөөт уран бүтээлч, жүжигчин Лхагвабаярын Жижжалам,
  • “Монгол кино нэгтгэл” ТӨҮГ-ын зураач Сүхбаатарын Чинсанаа нарыг шагналаа.
Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон гэр бүл, хамт олонд нь баяр хүргэж, сайн сайхан бүхнийг хүсэн ерөөлөө.
]]> zulaa Thu, 30 Oct 2025 20:39:28 +0800 Хаан галерейд үзэсгэлэн гаргах уран бүтээлчдийг сонгон шалгаруулна http://erdenet.nutag.mn/index.php?newsid=14672 http://erdenet.nutag.mn/index.php?newsid=14672
Монголын дүрслэх урлаг, уран бүтээлчдийг дэмжих эрхэм зорилгын хүрээнд ХААН Банк 2007 онд дэргэдээ ХААН галерейг байгуулж, уран бүтээлчдэд үзэсгэлэнгээ үнэ төлбөргүй олон нийтэд толилуулах боломж олгож ирсэн билээ.
Энэхүү санаачилгыг үргэлжлүүлж, 2025-2026 онд ХААН галерейд үзэсгэлэн гаргах хүсэлтэй уран бүтээлчдийн төслийг сонгох сонгон шалгаруулалт зарлаж байна.
Сонгон шалгаруулалтад оролцох хүсэлтэй уран бүтээлчид ХААН Банкны 5000000015 тоот дансанд 5,000 төгрөгийг эргэн төлөгдөхгүй нөхцөлтэй тушааж /Гүйлгээний утга дээр DPR-25-0529 дугаарыг заавал бичнэ/, баримтыг албан бичгийн хамт ХААН Банк цамхгийн ресепшинд битүүмжлэн өгч сонгон шалгаруулалтын өгөгдөл, бусад мэдээллийг авна уу.
Материалыг 2025 оны 5-р сарын 9-ний өдрийн 17:00 цаг хүртэл хүлээн авах бөгөөд зөвхөн шалгарсан уран бүтээлчдэд хариу мэдэгдэх болно.
Жич: Сонгон шалгаруулалттай холбоотой мэдээллийг bidding@khanbank.com хаягт хандаж авна уу.
Хаяг: ХААН Банк цамхаг, Чингисийн өргөн чөлөө-6, Стадион Оргил-1, ХУД -15 хороо, Ш/Х-192, Улаанбаатар-17010
]]> zulaa Thu, 01 May 2025 15:52:06 +0800 Бээжинд хотод болсон хөөмийн уралдаанд Өвөрмонгол оюутан түрүүлжээ http://erdenet.nutag.mn/index.php?newsid=14655 http://erdenet.nutag.mn/index.php?newsid=14655
Өнгөрсөн гуравдугаар сарын 29-нд БНХАУ-ын Бээжин хотод хөөмийн уралдаан болжээ. Уг уралдаанд Минзү их сургуулийн оюутан, н.Анхбаяр түрүүлсэн байна. Тэрбээр “China Daily” сонинд ярилцлага өгөхдөө “Уртын дуучин болно” гэжээ.
Тус уралдаанд Өвөр Монголын Шилийн гол аймаг, ОХУ-ын Тувагийн ардын урлагийн өв тээгч залуус, хөөмий сонирхогч хятад хүмүүс ч оролцсон байна.
]]> zulaa Mon, 14 Apr 2025 11:52:22 +0800 Бодит байдлыг харах “тусгай шил”-ээр “Stereotype” үзэсгэлэнг тольдоорой http://erdenet.nutag.mn/index.php?newsid=14609 http://erdenet.nutag.mn/index.php?newsid=14609
Бидний эргэн тойронд байж л байдаг сандал, ширээ, түлхүүр, хүүхдийн тоглоом... Аль хэдийнээ нүдэнд дасаж, онцгойлон “өртөхөө” ч больж, анхнаасаа ийм л байх ёстой мэт хүн бүр хүлээн зөвшөөрчихсөн. Сандал бол ийм, ширээ бол ийм. Энэ бүгд яг энэ хэвээрээ л байх ёстой гэсэн бодол. Яг ийм замаар бидний дотор хэвшмэл ойлголт буюу стереотип үүсдэг.
Өөрөөр хэлбэл, стереотип нь тодорхой бүлэг хүмүүс, үзэгдэл эсвэл юмсын талаарх өнгөц хэр нь нийтлэг ойлголттой байхыг хэлдэг. Гэхдээ эдгээр нийтлэг тодорхойлолт яагаад бий болсон, эсвэл бий болох боломжтой талаар бидний өдөр тутам хэрэглэдэг энгийн эд юмсыг төлөөлүүлэн уран бүтээлч А.Болормаа “Stereotype” үзэсгэлэндээ онцолжээ.
Энэ нь түүний эх орондоо гаргаж буй анхны бие даасан үзэсгэлэн бөгөөд ХААН галерейд 2-р сарын 15-нд нээлтээ хийсэн юм. Үзэсгэлэнд дэлгэсэн бүтээлүүдийн хувьд Монголд сүүлийн жилүүдэд тун ховор хийгдэж буй өнгөт модон бар, хулдаасан бар болон холимог техникээр бүтсэн, интерактив гэдгээрээ онцлогтой.







А.Болормаа нь СУИС-ийн Дүрслэх урлагийн академийг график зургийн чиглэлээр суралцаж төгсөн, Норвеги улсын Агдерийн их сургуульд урлаг судлалаар магистрын зэрэг хамгаалсан. Мөн Норвегийн Берген хотын Дүрслэх урлагийн академийн мэргэших сургалтад суралцан, олон төрлийн уран бүтээлийн арга техник эзэмшсэн уран бүтээлч бөгөөд 2018 онд Монголд ирснээсээ хойш Дүрслэх урлагийн академид багшаар, 2025 онд СИТИ их сургуулийн Архитектур дизайны сургуулийн График дизайны тэнхимийн эрхлэгчээр ажиллаж буй юм.
Тэрбээр үзэгчдийн оролцоотой, анаглиф арга техникийг ашиглан тогтсон стереотип, нийтлэг ойлголт, хязгаарлагдмал дүрслэлийг давсан  бодит байдал, олон талт үзэл баримтлал бий гэдгийг бүтээлээрээ дамжуулан илэрхийлэхийг зорьжээ.
Бодит байдал нь олон талт, хувь хүний онцлог, нөхцөл байдлыг агуулсныг угтаа бид дотроо мэдэж байдаг ч ихэнхдээ санаж сэрэх, мэдрэхээ умартан урагшилсаар байдаг. Зүйрлэвэл яг л энэхүү үзэсгэлэнгийн танхимд буй улаан, цэнхэр өнгийн нүдний шил зүүчхээд  тайлж бодит байдлыг харахын оронд улам бүр цааш алхах мэт. Эсвэл эсрэгээрээ бидэнд бодит байдлыг харах “тусгай шил” дутсан ч байж болох юм.
Бага насны хүүхдүүдэд үсэг цээжлүүлэхэд хэрэглэдэг зурагтай карт байдгийг та санаж байна уу? Аяганы зураг үзүүлээд аяга гэхэд ордог “А” гээд цээжилдэг. Тэгвэл тэр а үсэг ердөө л үгэнд нь байдаг л үсэг болохоос аягыг бүхэлд нь илэрхийлэхгүй шүү дээ. Энгийн нэг үсгээс гадна өөр үсгүүд нийлж байж л аягыг, шоог эсвэл морь гэсэн бүтэн утга бүтээдэг.
Юмсыг эсвэл хүмүүсийг ч гэлтгүй та өөрийгөө, бодол, мэдрэмжээ шинээр танин мэдвэл ямар сонирхолтой байх бол? Нялх хүүхэд юмс үзэгдлийг ажиглан судлан мэдэрч хүртэж байж танин мэддэгтэй адил та ч дотоод хүүхдээ сэрээн эргэн тойрноо, дэргэдэх хүмүүсээ үгүй бүр танихгүй хүмүүсийг ч, өөрийгөө ч шинээр танин мэдэх зорилгоор фильтер бүхий нүдний шилээ тайлаад юмсын жинхэнэ өнгийг харна уу.
“Stereotype” үзэсгэлэн ХААН Банк цамхгийн 3-р давхарт байрлах ХААН галерейд 2025 оны 2-р сарын 28-ныг дуустал ажлын өдрүүдэд 09:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.
]]> zulaa Tue, 25 Feb 2025 20:48:54 +0800 “Монгол хаан” жүжиг ирэх онд Япон Улсад тоглоно http://erdenet.nutag.mn/index.php?newsid=14476 http://erdenet.nutag.mn/index.php?newsid=14476
Сингапурын Марина Бэй Сэндст театраас Азийн аялан тоглолтоо амжилттай эхлүүлээд буй “Монгол хаан” жүжиг ирэх онд Япон Улсад тоглохоор болжээ. “Монгол хаан” жүжгийн баг Японы соёлын тэргүүлэх компаниудын нэг Tremendous Entertainment компанитай гэрээ байгуулж, 2025 оны сумогийн Аки башё, Кюшү башё хоёрын дундуур 10-р сарын 10-20-нд Токио хотод, 10-р сарын 24-26-нд Нагояа хотод жүжгээ тоглохоор болсон байна. Саяхан тус жүжгийн уран бүтээлчид Японд тоглох бэлтгэл ажлын хүрээнд сурталчилгааны зураг авалтуудаа Фүжи уул, Асакуса зэрэг газруудад хийжээ. Олон улсын театрын урлагийн мэргэжлийн шүүмжлэгчдээс 4-5 одын үнэлгээ авсан “Монгол хаан” жүжгийн Япон дахь тоглолтын Монгол талын продюсерээр Рюүо Э.Санчирболд, Япон талын продюсерээр Tremendous Entertainment компанийн ерөнхий менежер Масаюүки Сузуки нар ажиллах аж. “Монгол хаан” жүжиг 2023 онд Лондон хотын Колизум театрт 17 удаа тоглож, 42,000 гаруй үзэгчдэд тоглолтоо толилуулсан бол энэ онд жилд 45 сая хүн зочилдог Сингапурын Марина Бэй Сэндс театрт 22 удаа амжилттай тоглож, 30,000 гаруй үзэгчдэд хүргэсэн. “Монгол хаан” жүжгийн Сингапур дахь тоглолтыг АНУ, БНХАУ, Япон, БНСУ, Турк, Арабын булангийн орнууд, Их Британи, Австрали зэрэг улсын продюсинг 10 орчим компани ирж үзэж, 2025-2026 оны аялан тоглолтын санамж бичгүүдийг үзэглэсэн. Тэгвэл энэхүү санамж бичгүүдийн дагуу Азийн аялан тоглолтын дараагийн зах зээл нь Япон боллоо. Ингэснээр эл жүжиг нь Монголын урлагийн зах зээлд олон улсаас хөрөнгө оруулалт татаж, зах зээлийн өрсөлдөх зарчмаар тоглодог жишиг болж буй юм. Мөн “Монгол хаан” комик номын япон хувилбарыг хэвлүүлж, Японы зах зээлд нэвтрэх ажил эхэлсэн байна.

]]> zulaa Sat, 30 Nov 2024 11:13:29 +0800 Эгэл амьдралтай зэрэгцэн орших ер бусын ертөнц ХААН галерейд нээгдлээ http://erdenet.nutag.mn/index.php?newsid=14398 http://erdenet.nutag.mn/index.php?newsid=14398
Монголын нэрт сюрреалист уран бүтээлч, Соёлын гавьяат зүтгэлтэн Ц.Энхжаргал болон түүний шавь У.Батцоож нарын хамтарсан “Завсрын ертөнц” үзэсгэлэн ХААН галерейд нээгдлээ.
Нийгэм, өдөр тутмын амьдралын эгэл мөчүүдийг нарийн мэдэрч, түүнийг бүтээлдээ тусгадгаараа олонд танигдсан Ц.Энхжаргал зураач энэ удаа баяр баясал, гуниг зовлон хүний дотоод ертөнцөд хэрхэн нөлөөлж, шинэ утга, мэдрэмжийг бий болгодгийг илэрхийлэхийг зорьжээ. Хүмүүний амьдралтай зэрэгцэн орших далд ертөнцийг урлагийн хэлээр харуулсан энэхүү бүтээлүүд нь үзэгчдэд ер бусын мэдрэмж, гүн бодрол төрүүлэх нь дамжиггүй. Ц.Энхжаргалын уран бүтээлүүд нь бодит байдал болон төсөөллийн ертөнцийн заагийг илтгэдэг бөгөөд үзэгчдийг өөрийн эрхгүй дотоод сэтгэл рүүгээ гүн гүнзгий өнгийхөд хүргэдэг.
Харин У.Батцоожийн хувьд зүүдний мэт атлаа сэтгэлд ойр, энгийн боловч ер бусын хотын амьдралыг харуулсан бүтээлүүд туурвижээ. Тэрбээр Улаанбаатар хотын гадаад дүр төрхөөс илүү түүний дотоод мөн чанар, оршихуйг илэрхийлсэн бүтээлүүдээ дэлгэсэн нь үзэгчдэд параллель ертөнцөд нэвтэрч буй мэт мэдрэмж төрүүлэх аж. Мөн хотын өдөр тутмын амьдралыг хөндлөнгөөс ажиглан Улаанбаатарын гүнд нуугдсан ер бусын гоо сайхныг илэрхийлэхийг зорьсон байна. Түүний бүтээлүүд зүүд ба бодит амьдралын хил хязгаарыг бүдгэрүүлж, эдгээр хоёр ертөнцийн заагт орших мэдрэмжийг үзэгчдэд мэдрүүлэх болно.
“Завсрын ертөнц” үзэсгэлэн 2024 оны 10-р сарын 31-нийг дуустал ажлын өдрүүдэд 09:00-18:00 цагийн хооронд ХААН галерейд үнэ төлбөргүй гарч буй бөгөөд далд ертөнцийн заагт нэвтрэхийг хүссэн хүн бүхэнд нээлттэй. Та урлаг сонирхдог бол үзэсгэлэнд хүрэлцэн ирснээр өөрийгөө танин мэдэх, амьдралын утга учрыг эргэцүүлнэ гэдэгт итгэлтэй байна. Таныг завсрын ертөнцөд морилон саатахыг хүсье.
20241024163626208754-mceclip2

20241024163628891098-mceclip3

20241024163620892639-mceclip1











]]> zulaa Tue, 29 Oct 2024 11:51:53 +0800 Дуучин О.Энх-Эрдэнэ Азийн шилдэг кантри дуучнаар шалгарлаа http://erdenet.nutag.mn/index.php?newsid=14383 http://erdenet.nutag.mn/index.php?newsid=14383
О.Энх-Эрдэнэ Азийн шилдэг каунтри дуучин болжээ. Тэрээр “The Outstanding Country Singer of the Year” номинацид нэр дэвшин сүүлийн шатанд шалгаран Азийн шилдэг каунтри дуучнаар шалгарлаа.
Азийн шилдэг бүтээн байгуулалт, бизнесийн, хувь хүний онцгой ололт амжилт, нийгэмд үзүүлж буй нөлөөллийг үндэслэн шилдгүүдийг шалгаруулан алдаршуулдаг “The Knights Award” арга хэмжээ энэ сарын 14-нд Малайз улсын нийслэл Куала Лампур хотод болсон юм.
“New nomads records”-д уран бүтээлч тэрээр “Авьяаслаг монголчууд” шоунаас хойш дэлхийн хэмжээний хоёр ч томоохон шоунд урилгаар оролцсон.
]]> zulaa Tue, 15 Oct 2024 12:13:13 +0800 RAIN-ийн тоглолтын тасалбар авахад 50% буцаан олголттой http://erdenet.nutag.mn/index.php?newsid=14341 http://erdenet.nutag.mn/index.php?newsid=14341
БНСУ-ын супер од Rain, Sandara Park, Bloo нарын тоглолтын тасалбарыг худалдан авахад 50%-ийн буцаан олголт өгнө гэвэл та итгэх үү? ХААН Банк энэхүү гайхалтай боломжийг харилцагчдадаа олгож байна.
Та тоглолтын тасалбарыг зөвхөн маргааш буюу 2024 оны 9-р сарын 10-ны өдрийн 12:00-00:00 цагийн хооронд Digi Pay аппликэйшн доторх Shoppy.mn мини апп-аар худалдан аваарай.
Буцаан олголтын нөхцөл:
  • Буцаан олголт авахын тулд Digi Pay аппликэйшн доторх “Үйлчилгээ” цэсний Shoppy.mn мини апп-аар худалдан авалт хийх шаардлагатай.
  • Нэг харилцагчид өгөх буцаан олголтын дээд хэмжээ 100,000₮ байна.
Буцаан олголтын хугацаа:
  • Буцаан олголт 2024 оны 9-р сарын 13-ны өдөр таны данс руу шилжин орно.
Digi Pay аппликэйшнийг дараах холбоосоор татаж авна уу: https://bit.ly/Digi_Pay
Санхүүгээ хэмнэхийн зэрэгцээ Солонгосын супер оддын тоглолтыг үзэх алтан боломжийг та битгий алдаарай!
Хамтын өсөлт төгөлдөр – ХААН Банк]]> khulan Mon, 09 Sep 2024 18:24:50 +0800 Зураач А.Чадраабалын “Infinite Source” үзэсгэлэн ХААН Галерейд дэлгэгдлээ http://erdenet.nutag.mn/index.php?newsid=14336 http://erdenet.nutag.mn/index.php?newsid=14336 ХААН Галерейд зураач А.Чадраабалын "Infinite Source" бие даасан уран бүтээлийн үзэсгэлэн нээлтээ хийлээ. Энэхүү үзэсгэлэн нь хүн төрөлхтний хувьсан өөрчлөлтийн гайхамшиг, нүүдэлчдийн ахуй соёл, уламжлал бүхий бүтээлүүдийг дэлгэн харуулж буйгаараа онцлогтой.
Удам дамжсан зураач А.Чадраабал нь уран бүтээл бүрдээ монголчуудын өв соёл, ёс заншлыг гүн гүнзгий шингээдэг ба байгаль болон эцэг малын дүр төрхийг онцгойлон харуулдгаараа олноо танигдсан юм.
"Infinite Source" үзэсгэлэнд цаг хугацаа, орон зай, технологийн хурдацтай хөгжлийн нарийн төвөгтэй шинж чанарыг оюунлаг хүн төрөлхтөнтэй зэрэгцүүлэн дүрсэлжээ. А.Чадраабал үзэсгэлэнгийнхээ талаар "Миний зургууд ухаант хүний оюуны хүчийг шинэ эринд авчран, ертөнцийн талаарх ухаарал, гэгээрэл, сансрын эрчим, гэгээн мэдрэмжийг тусган харуулахыг зорьдог" хэмээн танилцуулсан байна. Тэрээр энэхүү бүтээлүүдийнхээ санааг дэлхийг тойрон өөрийн үзэсгэлэнгүүдээ туурвих явцдаа олж нээсэн аж. Тиймдээ ч тухайн газар орны байгалийн онцлог, оршин суугчдын соёл, ёс заншлыг судлан, тэдгээрийг уран зурагтаа шингээжээ.
Энэхүү үзэсгэлэнд дэлгэгдсэн бүтээлүүд нь өнгө, хэлбэр, материалын өвөрмөц хослолыг ашиглан бүтээгдсэн нь үзэгчдийн анхаарлыг татаж байна. Зурагт дүрсэлсэн өнгөний солонгон хослол, хэлбэр дүрсний сонирхолтой зохицол нь урлаг сонирхогчдод гайхалтай мэдрэмж төрүүлж, оюун санааны эрчим хүч өгөх нь дамжиггүй.
"Infinite Source" үзэсгэлэн ХААН Банк цамхгийн ХААН Галерейд 2024 оны 8-р сарын 25-ныг дуустал ажлын өдрүүдэд 9:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.
Хамтын өсөлт төгөлдөр – ХААН Банк
]]> khulan Tue, 06 Aug 2024 17:09:16 +0800